Header Ads Widget



اخر التطورات حول مشروع 9000 الاف واخر الاخبار الجديدة





اخر التطورات حول مشروع 9000 الاف واخر الاخبار الجديدة 

حزن في بورسعيد لأن مكتوب في البوست ان اصحاب مشروع ال 9000 الاف لأن مكتوب في المقال بأنهم سوف يستلمون في شهر 12 عام 2021 . 

يعني المشروع من 2016 وكل سنتين يقولو كمان سنه وهكذا الوضع مع المحافظ الفاشل .

الله يعين الجميع في مثل هذه الازمة السكانيه التي يبحث بها شباب مدينه بورسعيد الباسله علي حقهم ، ولكن يعانون بشده في هذة الازمه السكانيه | لمصلحه من لا نعرف .

اليك الخبر .

رابط المقال علي الفيس من صفحه اللي بالي بالك في بورسعيد من هنا اضغط اسفل السطر القادم واذهب وتابع صفحه الخبر عبر الفيس بوك ونحن هنا في موقعك بوعدك اليوم نرصد الوضع لمشروع 9000 نقلآ لصفحه بورسعيد التي تسمها بصفحه اللي بالك بالك من هنا https://www.facebook.com/POLICE.IN.PORTSAID/posts/3668417766536720


البوست ده في كل حاجه تخص مشروع ٩٠٠٠

البوست ده في كل حاجه تخص مشروع ٩٠٠٠ بإذن الله تعالى
المشروع ينقسم لي جزئين

جنوب بورسعيد
مدينة شرق بورسعيد

ودي مسميات كراسة الشروط ولو مش مصدق ارجع لها

جنوب بورسعيد من المفترض انه كان هيبقي في أرض بجنوب بورسعيد مكانها بجوار المنطقة الصناعية ولكن تبعية الارض ذهبت للاستصلاح الزراعي والري ورفعوا قضية وكسبوها واعطوا ارض بديلة في بورفؤاد بجوار كلية التربية الرياضية وهيقام عليها قيد التنفيذ ٥٧٠٠ وحده فقط ومحدش عارف ليه تحديدا العدد ده

مدينه شرق بورسعيد كما ذكرت في كراسة الشروط او المدينة المليونية تقع في شرق بورسعيد بعد معدية التفريعه بحوالي ٢٠ دقيقة ودي واحده من المدن الجديدة زي العلمين الجديدة والاسماعيلية الجديدة والمنصورة الجديدة وهكذا
والهدف من المدن الجديدة تخفيض الضغط على المدن القديمة واستصلاح تلك الاراضي واقامه مجتمعات عمرانية جديده بها

ومدينة شرق بورسعيد الجديدة ستكون عاصمه مصر الإقتصادية ومن المدن الذكية المتطورة ويسكون بها أحدث الخدمات ولها مخطط تطوير عالمي يستوعب مليون نسمه

طبعا مشروع الاسكان الاجتماعي بها الخاص بالإعلان الثامن
لمشروعنا والمسمي بمشروع ٩٠٠٠ تم الانتهاء منه بنسبة ٩٠ % او اكثر ،

طبعا بدأ بناء خدمات كثيرة هناك علي سبيل المثال لا الحصر
نقطه شرطه ومدرسة وحضانة و مستشفي ومركز إطفاء
وسوق تجاري..... ،

وطبعا منطقة صناعية علي اعلي مستوي وبها العديد من المصانع لشركات عالمية كبري

تم بناء ٤٣٤٠ وحده في مدينة شرق بورسعيد وبرضه محدش عارف ليه العدد ده لية تحديدا

في برضه حاجه مهمه جدا جدا جدا جدا
دور محافظة بورسعيد في مشروعنا يقتصر بس علي توفير الارض لاقامه المشروع لا أكثر ولا اقل ودا ليه
لان مشروعنا يتبع وزارة الاسكان وليس المحافظه
وده تصريح من المحافظ وليه فيديو بيقول فيه ذلك للي عاوز يتأكد من الكلام

نيجي بقي لحاجه مهمه برضه اوي
أولا كلنا عاوزين نطمن مين مقبول ومين هيستلم ومين الاول

أولا اي حد جاله رسالة علي تليفونه المسجل بيه في كراسة الشروط وقام بسداد ٩٠٠٠ آلاف المقدم وال ١٦ الف الأقساط فدا كده مقبول في اول مراحل المشروع

ثانيا الأولويات في التسكين برضه حسب كراسة الشروط نصت علي
المتزوج ويعول
المطلق ويعول
الارمل ويعول
الاعذب
والاولوية للاصغر سنا
برضه للي مش متاكد ارجع للكراسة هتلاقي كده

ثالثا بعد انتهاء البناء وتسليم الشركات المنفذة للمشروع هيبدأ الاستعلام الميداني والاتماني

الاستعلام الميداني وده هيتم تقسم المقبولين علي شركات للاستعلام وكل شركه معاها عدد من مناديب الاستعلام
وهيتم الاتصال بالناس ليتم بحثهم من مقر السكن والعمل

بعدها يبدأ الاستعلام الاتماني
الاستعلام الاتماني وده هيتم بعد الاستعلام الميداني للمقبولين فيه
هيتم بحث المقبولين والكشف عنهم
اي حد ليه حساب تقسيط بنكي
شقة بأسمه
أرض بأسمه او ألات له او ورثت له
والناس الل معاها فيزة مشتريات

كل الناس دي للاسف هيتم استبعادها حسب نص كراسة الشروط

بعد كده الل هيعدي من الكلام ده كله هيبقي قدام منه مرحلة القرعه ودي هتكون في حالة زيادة المقبولين عن عدد الشقق

يعني مثال جنوب مقدم فيها وقت دفع الفلوس والسداد كان حوالي ١٣٠٠٠ وهما بيبنوا ٥٧٠٠
بعد التصفية والاولويات قول ٨٠٠٠ مثلا
دول الل هيتم عليهم القرعه وهتبقي قرعه حاسب الي

طيب والل اسمه نزل في القرعه
هيروح البنك ويمضي العقد وجواب المرافق وإجراءات التسليم
والبنك حسب سنك ودخلك بيحددلك نظامك في المقدم وسداد الاقساط وده كل واحد بيبقي غير التاني
يعني الل قبضه ٣ ألف وسنه ٣٥ غير الل قبضة ٤ الاف وسنه ٣٠
وده اللي بيحدده البنك محدش ليه دخل فيه خالص
وطبعا بيبقي ليك دعم من الوزارة لكل شقة الحد الاقصي ليه ٢٥ الف وبيقل طبقا لاختلاف الدخل وزيادته
يعني الل مقدم ودخله كان الحد الأدنى فدا هياخد الدعم كامل عكس الل دخله واصل للحد الاقصي

وبعد كده بتدفع حاجه اسمها وديعه صيانه ودي بتبقي ٥%

واستلم شقتك علي خير ان شاء الله
ملحوظه
معاد الانتهاء من البناء لشرق هيكون في شهر 12 جنوب علي 2021
محدش يعرف الاستعلام امتي
مفيش تحويل من شرق لجنوب او العكس
مفيش تعديل بيانات الا لرقم موبايلك وده بتغيرة عن طريق اتصالك ب ١١٨٨ وتغيره

وان شاء الله ربنا يراضينا كلنا ونستلم علي خير
واي جديد هيبقي من المصادر الرئيسية للمشروع وهيتم ابلاغنا بيه كلنا
واي حد غير رقم تليفونه ضروووووووووري جدا يتصل ويعدلة ١١٨٨


وده رابط الموضوع الأصلي " من صفحه اللي بالي بالك في بورسعيد 

رابط الموضوع في السطر القادم .  ~

https://www.facebook.com/POLICE.IN.PORTSAID/posts/3668417766536720